लुम्बिनीमा मन्त्री बनेका चार सांसदलाई राजीनामा दिन जसपाको दबाब
लुम्बिनी प्रदेश सरकारमा सहभागी भएका चारजना मन्त्रीलाई जसपाले २४ घण्टे स्पष्टीकरण सोधेको छ ।
जनता समाजवादी पार्टी, नेपाललुम्बिनी प्रदेश समितिका अध्यक्ष अशोक कुमार यादवले हिजो (सोमबार०)साँझ विज्ञप्ति निकालेर २४ घण्टे स्पष्टीकरण सोधेका हुन् ।
सांसदहरु विजयबहादुर यादव, सन्तोष पाण्डे, सुमन शर्मा रायमाझी र कल्पना पाण्डे लम्सालले आजमात्रै मन्त्रीको सपथ खाएका थिए ।
चारै जना सांसदलाई मन्त्रीबाट राजीनामा दिन समेत भनिएको छ । चित्तबुझ्दो जवाफ नदिए सांसद पदसमेत नरहनेगरि कारबाही गरिने पनि पार्टीले जनाएको छ ।
