साउन १ गतेदेखि वृद्धभत्ता बढाउने प्रधानमन्त्री ओलीको घोषणा
प्रधानमन्त्री केपी शर्मा ओलीले साउन १ गतेदेखि लागू हुने गरी सामाजिक सुरक्षा भत्ता बढ्ने बताएका छन् ।
मंगलबार रिपोर्टस क्लबको वार्षिकोत्सव कार्यक्रममा आयोजित कार्यक्रमलाई सम्बोधन गर्दै ओलीले आगामी बजेटमार्फत् सामाजिक सुरक्षा भत्ता बढाउने बताए ।
प्रधानमन्त्री ओलीले कसैलाई आपत्ती भए पनि वृद्धभत्ता बढाउने ठोकुवा गरे ।
‘साउन १ गतेदेखि लागू हुने गरी सामाजिक सुरक्षा भत्ता बढ्छ, कसैलाई आपत्ती लाग्ला, लाग्न सक्छ । आपत्ती लाग्छ भने पनि सामाजिक सुरक्षा भत्ता साउन १ गतेदेखि लागू हुने गरी बढाइनेछ,’ उनले भने ।
नेकपा एमाले र माओवादी केन्द्र मिलेर बनेको बामपन्थी गठबन्धनले गत निर्वाचनमा वृद्धभत्ता बढाएर ५ हजार पुर्याउने घोषणा गरेको थियो ।
हाल वृद्धभत्ता मासिक ३ हजार रुपैयाँ छ ।
