सर्वोच्चको फैसला पुनरावलोकनका लागि माओवादी केन्द्र आज अदालत जाँदै
फागुन २३ गते सर्वोच्चले गरेको फैसलाविरुद्ध नेकपा माओवादी केन्द्र पुनरावलोकनका लागि आज सर्वोच्च अदालत जाँदै छ ।माओवादी केन्द्र आज बिहान ११ बजे सर्वोच्च अदालत पुग्ने स्रोतले जानकारी दिएको छ ।
माओवादी केन्द्रले नेकपा विवादमा सर्वोच्चको फैसलाप्रति चित्त नबुझेको भन्दै फैसला पुनरावलोकनका लागि सर्वोच्च जाने निर्णय गरेको थियो ।
कानुन व्यवसायीहरूले पनि सर्वोच्चको फैसलाबारे पुनरावलोकनमा जान सकिने सुझाव दिएका थिए । माओवादी केन्द्रको स्थायी समिति र केन्द्रीय समिति बैठकमार्फत नै निर्णय गरेर पुनरावलोकनमा जान लागेको एक नेताले बताए ।
नेकपा एमालेका वरिष्ठ नेता माधव कुमार नेपाल र नेता भीम बहादुर रावललाई पार्टी अध्यक्ष केपी शर्मा ओलीले छ महिनाका लागि कारबाही गरेको छ ।
