सर्ताहीमा १५ किलो गाँजा, नगद र टेम्पोसहित तीन जना पक्राउ
प्रदेश नं २ स्थित सर्लाहीको लालबन्दीबाट १५ किलो लागुऔषध गाँजासहित तीन पक्राउ परेका छन् ।
लालबन्दी नगरपालिका-१७ स्थित रानीगन्जबाट ज १ ह ४६०९ नं।को अटोमा सवार तीन जनालाई गाँजासहित पक्राउ गरिएको प्रहरीले जनाएको छ ।
पक्राउ पर्नेमा स्थानीय अटो चालक ४५ वर्षीय पुस्पबहादुर फुयाँल, ४० वर्षीय सुरेन्क कुमार बल र वडानम्बर १४ निवासी ४१ वर्षीय पाल्साङ पाख्रिङ छन् ।
अटोमा राखिएको तीनवटा जेब्रा झोलाभित्र १५ किलो गाँजा बरामद भएको सर्लाहीका प्रहरीले जानकारी दिएको छ । साथै पक्राउ परेका बलको साथबाट नगद २५ हजारसमेत बरामद भएको प्रहरीले जानकारी दिएको छ ।
अटो, गाँजासहित तीनैजनालाई नियन्त्रणमा लिई थप अनुसन्धान थालिएको प्रहरीले जनाएको छ ।
