१३ बर्षीया बालिका बलात्कार गरेको आरोपमा युवक पक्राउ
गण्डकी प्रदेश स्थित स्याङजामा १३ बर्षीया बालिकालाई बलात्कार गरेको आरोपमा एक यवक पक्राउ परेका छन् । पक्राउ पर्नेमा स्याङ्जाको हरिनास गाउँपालिका-७ का ३३ वर्षीय भेलबहादुर थापा रहेको प्रहरीले जानकारी दिएको छ ।
थापाले बालिकालाई जबरजस्ती करण गरी गर्भवतीसमेत गराएको भनी उजुरी परेपछि जिल्ला प्रहरी कार्यालय स्याङ्जाको प्रहरी टोलीले उनलाई पक्राउ गरेको जिल्ला प्रहरी कार्यालय स्याङ्जाले बताएको छ ।
थापालाई जबरजस्ती करणी मुद्दामा स्याङ्जा जिल्ला अदालतबाट ५ दिनको म्याद थप गराइ थप अनुसन्धान गरिरहेको स्याङ्जा प्रहरीले बताएको छ ।
