दाङमा मोटरसाइकल र बस ठोक्किँदा दुई जनाको मृत्यु
लुम्बिनी प्रदेश अन्तर्गत रहेको दाङको देउखुरीमा बससँग मोटरसाइकल ठोक्किँदा २ जनाको मृत्यु भएको छ ।
उक्त दुर्घटनामा लमही नगरपालिका-८ निम्बुखुटीका ३० वरषीय प्रकाश थापा र सोही ठाउँका २३ वर्षीय तिलक थापाको मृत्यु भएको इलाका प्रहरी कार्यालय लमहीले जनाएको छ ।
ना४ख ९०१६ नम्बरको बस र भे११प ३५९७ नम्बरको बुलेट मोटरसाइकल गएराति पौने १० बजे लमही नगरपालिकाको उचानिम्बु भन्ने स्थानमा ठोक्किँएको थियो ।
प्रकाशको लमही अस्पतालमा राति १० बजे र तिलकको राति साढे १ बजे नेपालगञ्ज मेडिकल कलेज कोहलपुरमा मृत्यु भएको प्रहरीले जनाएको छ ।
