कञ्चनपुरमा प्रहरी र तस्करबिच गोली हानाहान, एक जनाको मृत्यु
सुदूरपश्चिम प्रदेश स्थित कञ्चनपुरमा प्रहरी र तस्करबिच गोली हानाहान हुँदा एक जनाको मृत्यु भएको छ ।
कञ्चनपुरको बेलौरी नगरपालिका-७ पौलाहामा प्रहरी र तस्करबिच गोली हानाहान हुँदा एक जनाको मृत्यु भएको छ भने एक जना घाइते भएका छन् ।
नेपाल-भारत सीमा क्षेत्र नजिकै गस्ती गरिरहेको प्रहरी टोलीमाथि तस्कर समूहले गोली चलाएपछि जवाफी कारबाहीमा एक भारतीय नागरिकको मृत्यु भएको र एक प्रहरी सामान्य घाइते भएको प्रहरीले जानकारी दिएको छ ।
सीमा क्षेत्रमा गस्ती गरिरहेको इलाका प्रहरी कार्यालयको टोलीले चलाएको गोली लागेर एक तस्करको मृत्यु भएको जिल्ला प्रहरी कार्यालय कञ्चनपुरले जानकारी दिएको छ । मृतक भारतीय नागरिकको सनाखत भने हुन सकेको छैन ।
