आज तोलामा ५ सयले बढ्यो सुनको मूल्य
नेपाली बजारमा आज सुनको मूल्य तोलामा ५ सयले बढेको छ । तोलामा नै मङ्गलबार रु एक हजार सात सयले घटेको सुनको मूल्य आज तोलामा ५ सयले बढेको हो ।
नेपाल सुचाँदी व्यवसायी महासङ्घका अनुसार मङ्गलबार तोलामा ८७ हजारमा कारोवार भएको छापावाला सुन आजका लागि भने ८७ हजार ५०० मूल्य निर्धारण भएको छ ।
यस्तै तेजाबी सुन मङ्गलबार तोलामा ८६ हजार ५५० मा कारोवार भएकामा आज भने तोलामा ८७ हजार ५० मूल्य निर्धारण भएको छ ।
यस्तै चाँदी तोलामा नै २५ ले वृद्धि भएको छ । चाँदी प्रतितोला रु एक हजार २९० मा मङ्गलबार कारोवार भएकामा आजका लागि भने १ हजार ३१५ मूल्य निर्धारण भएको छ ।
