सर्वोच्च अदालतका मुख्य रजिष्ट्रारमा कुँवर नियुक्त, रजिष्ट्रारमा पुग्ने पौडेल भइन् पहिलो महिला
सर्वोच्च अदालतको मुख्य रजिष्ट्रारमा लालबहादुर कुँवर नियुक्त भएका छन् भने रजिष्ट्रार पदमा निर्मला पौडेल नियुक्त भएकी छन् । यसअघि कुँवर सर्वोच्चकै रजिस्ट्रार थिए ।
गत माघ ११ गते बसेको न्यायपरिषद्को बैठकले तत्कालिन मुख्य रजिष्ट्रार नृपध्वज निरौलालाई मुख्य न्यायाधीशमा नियुक्त गरेपछि रिक्त रहेको मुख्य रजिष्ट्रार पदमा कुँवर नियुक्त भएका हुन् ।
माघ २५ गते बसेको न्याय सेवा आयोगको बैठकले कुँवरलाई नियुक्तिको सिफारिस गरेपछि गत माघ २९ गते बसेको मन्त्रिपरिषद्को बैठकले कुँवरलाई मुख्य रजिष्ट्रारमा नियुक्ति गर्ने निर्णय गरेको हो ।
गुल्मी धुर्कोटका कुँवर २०५५ सालमा शाखा अधिकृतको रुपमा निजामती सेवामा प्रवेश गरेका थिए ।
यस्तै सर्वोच्च अदालतको रिक्त रजिष्ट्रार पदमा पौडेल नियुक्त भएकी छन् । गत माघ २९ गते बसेको मन्त्रिपरिषद्को बैठकले नै पौडेललाई सर्वोच्च अदालतको रजिष्ट्रारमा नियुक्त गरेको छ ।
पौडेल सर्वोच्च अदालतको रजिष्ट्रारमा पुग्ने पहिलो महिला हुन् । यसअघि पौडेल प्रशासकीय अदालतको रजिष्ट्रार ९सहरजिष्ट्रार० थिइन् । पौडेल २०५२ साल मंसिरदेखि शाखा अधिकृतको रुपमा निजामती सेवामा प्रवेश गरेकी थिइन् ।
