बारामा सुतिरहेकी महिलालाई धारिलो हतियार प्रयोग गरी घरभित्रै हत्या
प्रदेश नं २ स्थित बारामा सुतिरहेकी ४८ वर्षीया महिलाको घरभित्रै धारिलो हतियार प्रयोग गरी हत्या भएको छ ।
महागढिमाई नगरपालिका वडा नम्बर १ स्थित निवासि बैझनाथ प्रसाद कुश्बाहाको ४५ बर्षिय श्रिमति कान्ति देबि कुश्वाहालाई अज्ञात समुहले आइतवार राति अन्दाजी १० बजेको समयमा घरमै सुतिरहेको अवस्थामा धारिलो हतियार प्रहार गरी हत्या गरिएको हो ।
प्रहरीका अनुसार कान्तिदेवीको गालामा धारिलो हतियार प्रहार भएको छ ।आइतबार बेलुकी कुशवाहका श्रीमान खाना खाएर घर बाहिर निस्किएका थिए । केहीबेरपछि आफू घरमा फर्किंदा श्रीमतीलाई मृत अवस्थामा फेला पारेको उनले प्रहरीसमक्ष बताएका छन् ।
जनकपुरस्थित प्रादेशिक प्रहरी कार्यालयबाट विशेष तालिमप्राप्त कुकुर ल्याएर अनुसन्धान अघि बढाइएको प्रहरीले बताएको छ । कुशवाह परिवारका तीन छोरा र एक छोरी भए पनि उनीहरु अध्ययनको सिलसिलामा जिल्ला बाहिर छन् ।
