संसद् विघटन मुद्धामा बहस गर्न सरकारी वकिललाई १५ मिनेट समय
प्रतिनिधि सभा विघटनविरुद्ध दायर रिटमाथि बहस गर्न आजबाट सरकारी वकिलहरुलाई १५ मिनेटको समय निर्धारण गरिएको छ ।
प्रधानन्यायाधीश चोलेन्द्र शम्शेर जबराले १५ मिनेट समय निर्धारण गरिएको सुरुमै स्मरण गराएका छन् ।संवैधानिक इजलासमा प्रतिनिधि सभा विघटनविरुद्ध दायर रिटमाथि आजको बहस सुरु भएको छ ।
संसद् विघटनविरुद्ध १९ माघदेखि सरकारी वकिलहरुले सरकारको पक्षमा बहस गर्दै आएका छन् ।प्रधानमन्त्रीको सिफारिसमा राष्ट्रपति विद्यादेवी भण्डारीले गत पुस ५ गते प्रतिनिधिसभा विघटन गरेकी थिइन् ।
उक्त संसद् विघटन गैरसंवैधानिक भएको दाबीसहित १३ वटा रिट दायर भएका छन् ।संसद् विघटन संवैधानिक वा असंवैधानिक भन्ने विषयमा केन्द्रित भएर माघ ४ गतेदेखि बहस सुरु भएको थियो । रिट निवेदकका तर्फबाट झण्डै ७० जनाले बहस गरेका थिए ।
