नेपाल सुनचाँदी व्यवसायी महासंघको अध्यक्षमा माणिकरत्न शाक्य निर्वाचित
नेपाल सुनचाँदी व्यवसायी महासंघको आइतबार सम्पन्न आठौँ वार्षिक साधारण सभामा नयाँ नेतृत्वमा माणिकरत्न शाक्य निर्वाचित भएका छन् ।
महासङ्घको आइतबार सम्पन्न आठौँ वार्षिक साधारणसभा एवं तेस्रो महाधिवेशनबाट शाक्य अध्यक्षमा निर्वाचित भएको हो ।
साधारण सभाबाट वरिष्ठ उपाध्यक्षमा अर्जुन रसाइली निर्वाचित भएको छ । यस्तै उपाध्यक्षहरुमा क्रमशः मोहनकाजी शाक्य, दियेशरत्न शाक्य र विपिन रामुदामु निर्वाचित भएका छन् ।
एसोसिएट्स उपाध्यक्षमा पवन सोमानी, महासचिवमा धर्मसुन्दर बज्राचार्य, कोषाध्यक्षमा सुदीप श्रेष्ठ, सचिवद्वयमा किरणभाइ बज्राचार्य र बाबुराम विश्वकर्मा निर्वाचित र प्रवक्तामा मनोजकुमार शाह तथा सहकोषध्यक्षमा पद्मसुन्दर शाक्य निर्वाचित भएका छन् ।
साधारणसभाको गएको शुक्रबार शिक्षा, विज्ञान तथा प्रविधिमन्त्री कृष्णगोपाल श्रेष्ठले उद्घाटन गरेका थिए ।
नेपाल सुनचाँदी व्यवसायी महासंघ २०६९ साल फागुुन २० गते विधिवत्रुपमा दर्ता भएको नेपालभरिका सुनचाँदी व्यवसायीको छाता संघठन हो ।
देशको सङ्घीय संरचनाअनुरुप सातैवटा प्रदेशमा प्रदेश महासङ्घका अतिरिक्त देशभरका विभिन्न ६५ वटा जिल्लारनगर सङ्घको अलावा एसोसिएट्स सदस्य तथा वस्तुगत संघहरु यस महासंघमा आबद्ध छन् ।
