बजारमा सुनको मूल्य एकैदिन तोलामा २३ सयले घट्यो
नेपाली बजारमा सुनको मूल्य आज एकैदिन तोलामा दुई हजार तीन सय रुपैयाँ घटेको छ ।
आज सुनको मूल्य तोलामा दुई हजार तीन सय घटेसँगै बजारमा सुनको मूल्य तोलाको ९३ हजार रुपैयाँ तोकिएको नेपाल सुनचाँदी व्यवसायी महासंघले जनाएको छ ।
यस्तै चाँदी पनि तोलामा ६० रुपैयाँ घटेर एक हजार दुई सय ७० रुपैयाँ कायम भएको छ । अन्तर्राष्ट्रिय बजारमै सुनको भाउ घटबढ भइरहेकाले नेपाली बजारमा पनि भाउ अस्थिर भएको महासंघले जनाएको छ ।
