‘इजलासबाट ल्याप्चे नलगाइयोस्’ भन्दा बहसबाट हटाइए अधिवक्ता
संसद विघटनविरुद्धको रिटमाथि सर्वोच्च अदालतको संवैधानिक इजलाशमा जारी बहसको बीचबाटै एक जना अधिवक्तालाई हटाइएको छ । बहसका क्रममा एक अधिवक्तासँग प्रधानन्यायाधीश चोलेन्द्र शमशेर राणा झोक्किदै उनलाई हटाएका हुन् ।
बहसका क्रममा उनले संसद विघटनको निर्णयमा ‘इजलासबाट ल्याप्चे नलगाइयोस्’ भनेका थिए । त्यसपछि झोक्किएका राणाले उनको बहस सुन्न मानेनन् र उनलाई हटाई दिए ।
राणाले भने, ‘तपाईँलाई ल्याप्चेको अर्थ थाहा छ रु बहस सुन्दिनँ ।’ त्यसपछि अधिवक्ता अनिता गौतम पौडेलले बहस गरेकी थिइन् । उनले राष्ट्रपतिले सरकारको सिफारिस इन्कार नगरी हतारमा संसद विघटनको निर्णय लिएको आरोप लगाइन् ।
