बजारमा आज सुनको मूल्य फेरि तोलामा ८ सयले बढ्यो
नेपाली बजारमा आज सुनको मूल्य तोलामा आठ सयले बढेको छ ।
पछिल्ला केही दिन झण्डैझण्डै स्थिर जस्तै रहेको सुनको मूल्यमा आज भने वृद्धि देखिएको हो । नेपाल सुनचाँदी व्यवसायी महासङ्घका अनुसार आज छापावाला सुन प्रतितोला ९३ हजार १०० मा कारोबार भएको छ ।
तेजाबी सुन आज प्रतितोला ९२ हजार ६५० मा कारोवार भएको छ । यस्तै, चाँदीमा पनि प्रतितोला ३० ले वृद्धि भएको छ । आज चाँदी तोलाको एक हजार एक हजार २३० मा कारोबार भएको महासङ्घले जनाएको छ ।
