बीमा कम्पनीहरुले कोरोना बीमा दाबी भुक्तानी नगरेपछि सरकारले चासो देखायो
कोरोना बीमा दाबी भुक्तानीमा गुनासो बढ्दै गएपछि सरकारले यसबारे चासो देखाएको छ ।
बिहीवार अर्थमन्त्रालयले कोरोना बीमा मापदण्ड बमोजिम प्रकृया तथा कागजात पूरा भएका दावीहरूको भुक्तानी तीन दिनभित्र गर्न निर्देशन दिएको छ ।
सरकारले कोरोना बीमाको दावी भुक्तानी ३ दिनभित्र गर्न बीमा समितिलाई निर्देशन दिएको हो ।
मन्त्रालयले भेरिफिकेशन गर्न बाँकी दावीको भेरिफिकेशन यथाशिघ्र सम्पन्न गरी भुक्तानी दिने व्यवस्था मिलाउन पनि समितिलाई निर्देशन दिएको छ ।
यस्तै कोरोना बीमा दावी भुक्तानीका सम्बन्धमा विभिन्न बीमा कम्पनीहरूमा कति संख्यामा दावी परेको विवरण पेन्डिङ रहेको छ ? सो को विवरण र समस्या समाधानका लागि त्यस समितिबाट के प्रयास भइरहेको छ ? र मन्त्रालयबाट सहजीकरणका लागि पहल गर्नुपर्ने विषयहरू केके हुन् ? यसको विस्तृत विवरण मन्त्रालयमा पठाउनका लागि पनि मन्त्रालयले निर्देशन दिएको छ ।
