अछाममा बस दुर्घटना हुँदा एक जनाको मृत्यु, १७ घाइते
सुदूरश्चिम प्रदेश स्थित अछाममा बस दुर्घटना हुँदा एक जनाको मृत्यु भएको छ ।उक्त दुर्घटनामा १७ जना घाइते भएका छन् ।
धनगढी आउँदै गरेको ना४ख ९९७२ नम्बरको बस अछाम चौरपाटी गाउँपालिका-७ मार्कुमा दुर्घटना भएको हो ।बस साँपे-चौखुट्टे सडक खण्डबाट ६० मिटर तल खसेको थियो ।
दुर्घटनामा अछामकै साँफेबगर नगरपालिका-३ का अन्दाजी १७ वर्षीय निरज कुँवरको मृत्यु भएको जिल्ला प्रहरी कार्यालय अछामले जानकारी दिएको छ ।
उनको उपचारका लागि बयालपाटा अस्पताल लैजादै गर्दा बाटोमै मृत्यु भएको प्रहरीले जनाएको छ ।१७ घाइते सबैको बलयपाटा अस्पतालमै उपचार भइरहेको छ ।
दुर्घटनाको कारण खुल्न नसकेको प्रहरीले जानकारी दिएको छ ।
