म्याग्दीमा जीप दुर्घटना हुदाँ एकको मृत्यु, ५ जना घाइते
गण्डकी प्रदेश स्थित म्याग्दीमा बोलेरो जीप दुर्घटनामा एकको मृत्यु भएको छ छ । उक्त दुर्घटनामा ५ जना घाइते भएका छन् ।
बाबियाचौर लाम्पाटाबाट सल्लानतर्फ जाँदै गरेको प्रदेश २-०३००१ च ०२५२ नम्बरको बोलेरो जीप आज बिहान भाइबाङ खोला नजिकको सडकबाट खसेर दुर्घटना भएको हो ।
म्याग्दीको मङ्गला गाउँपालिका-२ बावियाचौरको काफलचौरमा बोलेरो जीप दुर्घटना भएको हो ।जिल्ला प्रहरी कार्यालयले दुर्घटनमा परेर जीपमा सवार ११ वर्षीया बालिका करिस्मा क्षेत्रीको मृत्यु भएको जानकारी दिएको छ ।
दुर्घटनमा परी जीपका चालक ४२ वर्षका खुमबहादुर कटुवालसहित पाँच जना घाइते भएका छन् ।घाइते चालक कटुवाल र उनकी श्रीमती सुनिता क्षेत्री, जीपमा सवार सुकला केसी, कृपा क्षेत्री र राजन क्षेत्रीलाई उपचारका लागि बेनी अस्पताल लगिएको छ ।
