प्रचण्ड पक्षसँग सचिवालय बैठकमा भिड्न ओली पक्षिय नेता छलफलमा जुटे
नेपाल कम्युनिस्ट पार्टी (नेकपा) भित्रको विवाद कसरी सुल्झाउने भन्दै अध्यक्ष एवं प्रधानमन्त्री केपी शर्मासहित उनीपक्षीय नेताहरु सघन छलफलमा जुटेका छन् ।
बालुवाटारमा भइरहेको छलफलमा ओलीसहित महासचिव विष्णु पौडेल, ईश्वर पोखरेल, सुवास नेम्बाङ, पृथ्वी सुब्बा गुरुङ, प्रदीप ज्ञवालीलगायत नेताहरु सहभागी छन् ।
भोलिका लागि बोलाइएको नेकपा सचिवालयको बैठक अध्यक्ष ओलीले जसरी पनि टार्ने तयारीमा छन् भने अर्का अध्यक्ष पुष्पकमल दाहाल प्रचण्डलगायत नेताहरु बैठक बस्ने दाबी गर्दै आएका छन् । प्रचण्डले बुझाएको एकल प्रस्ताव फिर्ता नगरेसम्म ओलीले बैठक सार्ने तयारी गरेका छन् भने प्रचण्ड आफूले पेस गरेको प्रस्ताव फिर्ता नलिने अडानमा छन् ।
बालुवाटारमा भइरहेको छलफलमा प्रचण्डले बैठक सार्न नमानेपछि कसरी अघि बढ्ने भन्ने विषयमा छलफल भइरहेको स्रोतले बाह्रखरीलाई जानकारी दियो ।
