वीरगञ्जमा ट्रयाक्टर दुर्घटना हुँदा १२ वर्षीय बालकको मृत्यु
प्रदेश नं २ स्थित वीरगञ्ज महानगरपालिकामा ट्रयाक्टर दुर्घटना हुँदा एक बालकको मृत्यु भएको छ ।
वीरगञ्ज २७ जसौलीमा भएको ट्रयाक्टर दुर्घटनामा पर्साको बहुदरमाइ नगरपालिका ३ नगरदाहाका १२ वर्षका बालक विवेक यादवको घटनास्थलमै मृत्यु भएको हो।
लु ३ त ६४६ नम्बरको ट्रयाक्टरमा बसेर आउँदै गरेको बेला जसौलीस्थित पुलबाट अनियन्त्रित भइ दुर्घटना भएको थियो। दुर्घटनामा यादवको घटनास्थलमै मृत्यु भएको स्थानीयले जानकारी दिएका छन् ।
चालक भने दुर्घटना पछि फरार भएका छन्।
