पुननिर्माण सकिएसँगै रानीपोखरी र दरबार हाइस्कुलको राष्ट्रपतिबाट उद्घाटन
राष्ट्रपति विद्यादेवी भण्डारीले बुधबार दिउँसो रानीपोखरी र दरबार उद्घाटन गरेकी छिन् । २०७२ वैशाख १२ गतेको भूकम्पबाट क्षतिग्रस्त रानीपोखरी र दरबार हाइस्कलकाे पुनर्निर्माण सम्पन्न भएपछि राष्ट्रपति भण्डारीले उद्घाटन गरेकी हुन् ।
भूकम्पले क्षतिग्रस्त रानीपोखरी प्राचीन शैलीमै पुनर्निर्माण गरिएको हो । पोखरीमा एउटामा ३ करोड लिटर र दुईवटामा ९ करोड लिटर पानी अट्ने तीन तह रहेका छन् ।
वर्षाको पानीले तह भरिने र धेरै भए बाहिर निकास गर्ने प्रणालीसहित रानीपोखरीको पुनर्निर्माण गरिएको प्राधिकरणले जनाएको छ । रानीपोखरीको बीचमा रहेको बालगोपालेश्वर मन्दिर पनि प्राचीन शैलीमै निर्माण गरिएको छ ।
