सनराइज बैंक र एफवान सफ्टबीच सहकार्य
‘स्मार्ट बनौँ, डिजिटल बैंकिङ गराैँ’ अभियानलाई आत्मसात् गर्दै सनराइज बैंकले चाडपर्वलाई लक्षित गरी नयाँ अफर ल्याएको छ ।
डिजिटल बैंकिङलाई प्रोत्साहन गर्ने उद्देश्यका साथ बैंकले एफ वान सफ्टसँग सहकार्य गरी साे योजना ल्याएको हो ।
यस योजनाअन्तर्गत बैंकले आफ्नो मोबाइल बैंकिङ सनराइज स्मार्ट एपमार्फत रकम ट्रान्सफर, मोबाइल टपअप, बिल भुक्तानीलगायत कार्य गर्ने २० जना ग्राहकलाई एक-एक थान स्मार्ट फोन प्रदान गर्ने जनाएको छ ।
साथै, नयाँ ग्राहकहरूलाई प्रोत्साहन गर्न पहिलो पटक मोबाइल टपअपमा १० प्रतिशत रकम वा अधिकतम १ सय रुपैयाँ क्यास ब्याक गर्ने व्यवस्थासमेत गरेको छ ।
यो योजना १ कात्तिकदेखि ५ मंसिरसम्म लागू हुने बैंकले जनाएको छ ।
