संघीय नेपाल : उपत्यकाको सुरक्षा जिम्मेवारी केन्द्रीय प्रहरीलाई दिने गरी ऐन संशोधन
नेपाल प्रहरी र प्रदेश प्रहरी कार्य सञ्चालन, सुपरिवेक्षण र समन्वय ऐन संशोधन भएको छ । संशोधनसम्बन्धी अध्यादेश सोमबार राष्ट्रपति विद्यादेवी भण्डारीबाट जारी भएको छ ।
यसअघि उपत्यकाका तीन जिल्लाको सुरक्षा जिम्मेवारी केन्द्र कि प्रदेशको हुने ऐनमा प्रस्ट थिएन । जसकारण प्रहरी समायोजन रोकिएको थियो ।
देशको संघीय राजधानी काठमाण्डौको सुरक्षा जिम्मेवारी नेपाल प्रहरीको हुने गरी सरकारले नेपाल प्रहरी र प्रदेश प्रहरी ऐनलाई संशोधन गरेको हो।
अध्यादेशमार्फत सरकारले सो ऐनलाई संशोधन गरेको हो । देश संघीयमामा गएपछि क्षेत्राधिकार निर्धारणमा बेला बेलामा प्रशन उठ्दै आएको छ ।
