चिनियाँ दूतावास घेर्न पुगेका नेविसंघ नेताहरू पक्राउ
चिनियाँ दूतावास घेर्न पुगेका प्रतिपक्षी दल नेपाली कांग्रेसको भतृसंगठन नेपाल विद्यार्थी संघका आधा दर्जन नेता तथा कार्यकर्ताहरू पक्राउ परेका छन् । सोमबार नेपालस्थित् चिनियाँ दूतावास घेर्न पुगेका उनीहरुलाई प्रहरीले पक्राउ गरेको हो ।
नेविसंघ पूर्व महामन्त्री कुन्दनराज काफ्लेको नेतृत्वमा चिनियाँ दूतावास घेर्न पुगेका उनीहरुलाई प्रहरीले पक्राउ गरि मालीगाउँस्थित् प्रहरी प्रभागमा राखेको छ
पक्राउ पर्नेहरुमा नवराज त्रिपाठी, प्रमिल तामाङ, सुवोध ओली, विन्दा बोगटी, पर्वत खड्का र दिपेन्द्र खड्का रहेका छन् । चीनले नेपाली भूमि अतिक्रमण गरेको भन्दै आफूहरुले देशैभरि प्रदर्शन गर्न लागिएको काफ्लेले जानकारी दिए ।
नेपाली भूमि मिचेको विरोधमा आफुहरुले विरोध तथा प्रदर्शन कार्यक्रम सातै प्रदेश ७७ वटै जिल्लामा पुर्याउने तयारी गरेको काफ्लेको भनाई छ । आजको विरोध प्रदर्शनमा करिब २५ जना सहभागी थिए ।
तस्विर : मुकुन्द कालिकोटे
