फेरि लकडाउन तयारी : आइतबार थपिए १५७३ जना कोरोना संक्रमित
पछिल्लो २४ घण्टामा देशमा थप १ हजार ५ सय ७३ जनामा कोरोना भाइरसको संक्रमण पुष्टि भएको छ। हाल देशभर संक्रिय संक्रमितको संख्या १९ हजार १९ रहेको छ।
यस्तै ६ हजार २ सय ८१ जना क्वारेन्टिनमा रहेका छन्। यससँगै नेपालमा कोरोना संक्रमितको कुल संख्या ७३ हजार ३ सय ९४ पुगेको छ।
यस्तै अवस्था रहे फेरि लकडाउनको बिकल्प नरहेको स्वास्थ्य विज्ञहरको भनाई रहेको छ । स्वास्थ्य मन्त्रालयका अनुसार आइतबार ८ सय ८५ जना कोरोना संक्रमित डिस्चार्ज भएका छन्।
हालसम्म डिस्चार्ज हुनेको संख्या ५३ हजार ८ सय ९८ पुगेको छ। पछिल्लो २४ घण्टामा १० हजार १ सय २३ जनाको पीसीआर परीक्षण गरिएको स्वास्थ्य मन्त्रालयले जनाएको छ।
आज स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले संक्रमित संख्याबारे जानकारी दिएका हुन् । आज १० हजार १ सय २३ जनाको पिसीआर परिक्षणमा १५ सय ७३ जनाको रिर्पोट पोजेटिभ आएको हो ।
आजसम्म ५३ हजार ८ सय ९८ जना संक्रमणमुक्त भएका छन् । आज ८८५ जना संक्रमणमुक्त भएको डा. गौतमले जानकारी दिए ।
