आज अहिलेसम्मकै धेरै २०२० जनामा कोरोना पुष्टि, संक्रमितको संख्या ६१,५९३ पुग्यो
नेपालमा पछिल्लो २४ घण्टामा अहिलेसम्मकै धेरै २०२० जना कोरोना संक्रमित थपिएका छन्।
देशभरका प्रयोगशालामा गरिएको ११ हजार ४ सय ५८ जनाको नमुना परीक्षणमा २०२० जनालाई संक्रमण देखिएको स्वास्थ्य मन्त्रालयका प्रवक्ता प्राडा जागेश्वर गौतमले जानकारी दिए।
योसँगै कुल कोरोना संक्रमित हुनेको संख्या ६१ हजार ५ सय ९४ पुगेको छ ।
पछिल्लो २४ घण्टा ८७१ जना डिस्चार्ज भएका छन्। योसँगै देशभर कोरोना संक्रमणमुक्त हुनेको संख्या ४३ हजार ८ सय २० जना पुगेको छ।
