नेपालमा थप १४५४ जनामा कोरोना पुष्टि, संक्रमितको संख्या ५१हजार ९१९ पुग्यो
नेपालमा पछिल्लो २४ घन्टामा थप १४५४ जनामा जनामा कोरोना संक्रमण पुष्टि भएको छ ।
देशका विभिन्न प्रयोगशालामा २४ घन्टामा गरिएको परीक्षणका क्रममा १४५४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए ।
योसँगै नेपालमा कोरोना संक्रमित हुनेको संख्या ५१ हजार ९१९ जना पुगेको छ।
यसैगरि आज ९७२ जना कोरोना संक्रमणमुक्त भएका छन्। योसँगै नेपालमा हालसम्म ३६ हजार ६७२ उपचारपछि निको भएका छन्।
हाल देशभर सक्रिय संक्रमितको संख्या १४ हजार ९२५ छ। ८ हजार २९१ जना संस्थागत आइसोलेसनमा छन् भने ६ हजार ६३४ होम आइसोलेसनमा छन्।
१० हजार ७ सय जनाको आज पिसिआर परीक्षण भएको छ। ६ हजार ७८ जना क्वारेन्टाइनमा छन्।
