आज कोरोनाबाट थप ६ जनाको मृत्यु, कुल मृतक संख्या ३०६ पुग्यो
नेपालमा आज थप ६ जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालय जनाएको छ ।
स्वास्थ्य तथा जनसंख्या मन्त्रालयलका अनुसार १ महिला र ५ पुरुषको मृत्यु पुष्टि गरेको हो ।
आज मृत्यु हुनेहरुमा ५ जना वृद्धवृद्धा छन् भने १ जना ५४ वर्षीय पुरुष छन् । आज मृत्यु भएकाहरुमा काठमाडौंका २ जना पनि छन् ।
योसँगै कुल मृतक संख्या ३ सय ६ पुगेको छ । जसमध्ये २ सय २२ पुरुष र ८४ महिला छन् ।नेपालमा हाल कुल मृत्युदर शून्य दशमलव ६३ प्रतिशत रहेको मन्त्रालयले जनाएको छ।
