साउथ इण्डियन कलाकार जयप्रकाश रेड्डीको निधन, बाथरुममा लडेको अवस्थामा फेला
हिन्दी डबिङ्ग सुरुवातसँगै छुटै पहिचान बनाउन सफल साउथ इण्डियन तेलुगु चलचित्रका चर्चित कलाकार जयप्रकाश रेड्डीको हृदयघातका कारण निधन भएको छ ।
फिल्मी जगतमा अलगै पहिचान रहेका रेड्डीको मङ्गलबार ७४ वर्षको उमेरमा निधन भएको भारतीय सञ्चारमाध्यमहरुमा खबर छ ।
मङ्गलबार बिहान उनी बाथरुममा लडेको अवस्थामा भेटिएका उनका परिवारका सदस्यले बताएका छन् ।
उनले तेलुगु चलचित्रमा छुट्टै स्थान बनाएका छन् । उनी भुमिका निर्वाह गरेका हास्य र चरित्र अभिनेतासँगै खलनायकको पात्रमा लोकप्रिय छन् ।
आन्ध्र प्रदेशको गुन्टरमा बस्दै आएका उनले ‘ब्रह्मपुत्रुदू’ चलचित्रबाट फिल्मी करियर सुरु गरेका थिए ।
उनका ‘समरासिंह रेड्डी’, ‘उथामपुथिरन’, ‘प्रेमिचुकुन्दाम रा’, ‘गब्बर सिंह’, ‘चेन्नेकेशवरेड्डी’, ‘सीतय्या’ लगायत चलचित्र लोकप्रिय छन् ।
उनको निधनप्रति टलिउडसँगै बलिउड कलाकारले पनि समवेदना प्रकट गरेका छन् ।
