चितवन मेडिकल कलेजमा उपचाररत कोरोना संक्रमित पुरुषको मृत्यु
चितवन मेडिकल कलेजमा उपचाररत ७० वर्षीय कोरोना संक्रमित पुरुषको मृत्यु भएको छ ।
चितवनको भरतपुर महानगरपालिका १५ का ७० वर्षीय पुरुषको मृत्यु भएको हो ।
अस्पतालका सञ्चार सयोजक हरि बोहोराका अनुसार छातीमा समस्या भएर उनी भदौ १२ गते अस्पताल भर्ना भएका थिए ।
भेन्टिलेटरको सहायतामा राखेर उपचाररत उनको आज बिहान ८ बजे मृत्यु भएको बोहोराले जानकारी दिए । उनको भदौ १३ गते कोरोना संक्रमण पुष्टि भएको थियो ।
