आज थप १३५९ जनामा कोरोना संक्रमण पुष्टि, संक्रमितको संख्या ४४ हजार नाघ्यो
नेपालमा पछिल्लो २४ घन्टामा थप १३५९ जनामा कोरोना संक्रमण पुष्टि भएको छ ।
आज देशका विभिन्न प्रयोगशालामा गरिएको परीक्षणका क्रममा १३५९ व्यक्तिमा कोरोना संक्रमण पोजेटिभ देखिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका हुन्।
यो सहित नेपालमा कोरोना संक्रमित हुने को संख्या ४४ हजार २३६ जना पुगेको छ। शुक्रबार काठमाडौंमा ३८६, ललितपुरमा ३२ र भक्तपुरमा ३६ संक्रमित थपिएका छन्।
देशभर ७४६२ जना होम आइसोलेसनमा रहेको मन्त्रालयले जनाएको छ। आज थप १३५४ जना कोरोना संक्रमणमुक्त भएका छन्।
योसहित नेपालमा हालसम्म २५ हजार ५६१ उपचारपछि निको भएका छन्।
