देशभरमा आज ७ जनाको कोरोनाबाट मृत्यु, कुल मृतक संख्या २२८ पुग्यो
नेपालमा कोरोनाबाट ज्यान गुमाउनेको संख्या दिनप्रतिदिन बढ्दै गइरहेको अवस्थामा आज थप ७ जनाको कोरोनाबाट ज्यान गएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आज मृत्यु पुष्टि भएकाहरुमा ४ पुरुष र ३ महिला छन् ।
योसँगै कुल मृतक संख्या २ सय २८ पुगेको छ । नेपालमा कोरोना संक्रमणबाट मृत्यु हुनेहरुमा एक सय ६९ पुरुष र ५९ महिला छन् ।
