आज ८९९ कोरोना संक्रमित थपिए, कुल संख्या ३९ हजार ४६० पुग्यो
पछिल्लो समयमा नेपालमा कोरोना संक्रमण बढीरहेको अवस्थामा आज थप ८ सय ९९ जनामा कोरोना पुष्टि भएको छ ।
योसंगै कुल संक्रमितको सख्या ३९ हजार ४ सय ६० पुगेको स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिए।
देशभरको प्रयोगशालामा ११ हजार ४९० नमुना परीक्षण गर्दा ३०३ महिला र ५९६ पुरुषमा संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार संक्रमितमध्ये २९८ जना काठमाडौं उपत्यकाका छन् ।
काठमाडौं जिल्लामा १९०, भक्तपुरमा ४१ र ललितपुरमा ६७ जनामा संक्रमण पुष्टि भएको छ । उनीहरु कुन ठाउँका हुन् भन्ने मन्त्रालयले खुलाएको छैन ।
आजसम्म २१ हजार ४ सय १० जना संक्रमणमुक्त भएका छन् ।
