भरतपुर अस्पतालमा उपचाररत थप एक कोरोना संक्रमित पुरुषको मृत्यु
भरतपुर अस्पतालमा उपचाररत थप ७८ वर्षीय कोरोना संक्रमित पुरुषको आज मृत्यु भएको छ ।
भरतपुर महानगरपालिका- ६ का ७८ वर्षीय पुरुषको आज बिहान ७ बजेर २० मिनेटमा मृत्यु भएको अस्पतालले जनाएको छ ।
उनको कोभिड सघन कक्ष (आईसीयू) मा भेन्टिलेटरको सहायतामा उपचार भइरहेको थियो । अस्पतालका कोभिड १९ क्लिनिकल संयोजक प्रमोद पौडेलका अनुसार उनी भदौ ६ गते उपचारका लागि भरतपुर अस्पताल आएका थिए ।
तर उनको भदौ २ गते नै कोरोना पुष्टि भएको थियो । ती पुरुष उच्च रक्तचापलगायत अन्य रोगबाट समेत ग्रसित भएको पौडेलले जानकारी दिए ।
यससँगै कोरोना संक्रमणबाट मृत्यु हुने चितवनका मात्रै ६ जना पुगेका छन् ।
