कोरोनाबाट थप ३ जनाको ज्यान गयो, मृतकको संख्या १४९ पुग्यो
नेपालमा पछिल्लो समयमा कोरोना भाइरस फैलिरहेको अवस्थामा कोरोनाबाट थप ३ जनाको मृत्यु भएको छ ।
पछिल्लो २४ घण्टामा कोरोनाबाट थप तीन जनाको मृत्यु भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिए।
प्रवक्ता डा. गौतमका अनुसार मृत्यु हुनेमा पर्साकी ५६ वर्षीया महिला, झापाका ५८ वर्षीय पुरुष र सर्लाहीकी ३३ वर्षीया महिला रहेका छन्।
यससँगै नेपालमा कोरोनाबाट मृत्यु हुनेको संख्या १४९ पुगेको स्वास्थ्य मन्त्रालयले जनाएको छ।
