टिचिङ अस्पतालका चिकित्सक र नर्सलाई कोरोना देखिएपछि आकस्मिक कक्ष सिल
टिचिङ अस्पतालका चिकित्सक र नर्सलाई कोरोना देखिएपछि आकस्मिक कक्ष सिल गरिएको छ
नेपालमा कोरोना सक्रमण तिब्रगतिमा फैलिरहेको अवस्थामा त्रिवि शिक्षण अस्पतालको आकस्मिक कक्षमा कार्यरत दुईजना मेडिकल अफिसरलाई कोरोना संक्रमण देखिएपछि आकस्मिक कक्ष सिल गरिएको हो ।
अस्पतालका कोभिड १९ संयोजक डा.सन्तकुमार दासले आकस्मिक कक्षका मेडिकल अफिसरलाई कोरोना देखिएपछि उक्त वार्ड सिल गरिएको जानकारी दिए ।
उनीहरुमा बुधबार आएको रिपोर्टमा कोरोना संक्रमण देखिएको अस्पतालले जनाएको छ ।उनका अनुसार थप अन्य आकस्मिक वार्डका अन्य कर्मचारीहरुको (आज)नमुना संकलन गरिनेछ ।
उनीहरुको रिपोर्ट आएपछि मात्र आकस्मिक वार्ड नियमित गरिने उनले बताए । हालसम्म अस्पतालको मेडिसिन वार्डमा कार्यरत चारजना नर्समा पनि संक्रमण देखिएको थियो ।
