बाबुराम अधिकारीसहित चार सहसचिवको सरुवा
संघीय मामिला तथा सामान्य प्रशासन मन्त्रालयले शुक्रवार विभिन्न मन्त्रालयमा कार्यरत चार जना सहसचिवहरूको सरुवा गरेको छ ।
मन्त्रालयले श्रम, रोजगार तथा सामाजिक सुरक्षा मन्त्रालयका सहसचिव बाबुराम अधिकारीलाई प्रदेश नं. ५ को अर्थ मन्त्रालयमा सरुवा गरेको छ भने अधिकारीको ठाउँमा युवा तथा खेलकुद मन्त्रालयका सहसचिव बिनोद कुमार सिँहलाई पठाइएको छ ।
त्यस्तै भरतपुर महानगरपालिकाका प्रमुख प्रशासकीय अधिकृत रामबन्धु सुवेदीलाई युवा तथा खेलकुद मन्त्रालय र संघीय मामिला तथा सामान्य प्रशासन मन्त्रालयका सहसचिव जयनारायण आचार्यलाई गृह मन्त्रालयमा सरुवा गरिएको छ ।
