आज थप १४७ जनामा कोरोना संक्रमण, १ को मृत्यु
काठमाण्डौं : नेपालमा आज एक सय ४७ जना नयाँ कोरोना संक्रमित थपिएका छन् ।
स्वास्थ्य मन्त्रालयका प्रवक्ता डा. जागेश्वर गौतमका अनुसार देशभरका २७ वटा प्रयोगशालामा ३ हजार ४ सय ४७ जना पिसिआर परीक्षण गर्ने क्रममा ती संक्रमित थपिएका हुन् ।
हाल देशभर ५ हजार ३ सय ५८ सक्रिय संक्रमित रहेका छन् । १२ हजार ८ सय बढी निको भएर घर फिर्ता भएका छन् ।
आज वीरगञ्जमा एक जनाको मृत्यु भएसँगै कुल मृतकको संख्या ४३ पुगेको छ ।
