फुटबलको प्रतिष्ठित अवार्ड ‘बालोन डी’ओर’ यो वर्ष प्रदान नगरिने
कोरोना माहामारीका कारण यो वर्ष फुटबलको प्रतिष्ठित अवार्ड ‘बालोन डी’ओर’ प्रदान नगरिने भएको छ ।
फ्रेञ्च फुटबलले सोमबार कोरोना भाइरसको महामारीलाई मध्येनजर गर्दै यस वर्षको अवार्ड स्थगित गरिएको जनाएको छ ।
कोरोनाबाट प्रभावित हुने राष्ट्रमा फ्रान्स पनि एक हो । कोरोनाकै कारण फ्रेञ्च लिग रद्ध भएको थियो ।सन् १९५६ पछि पहिलो पटक २०२० मा यस वर्ष बालोन डी’ओर प्रदान नगरिने भएको हो ।
यो अवार्ड बार्सिलोनाका कप्तान लियोनल मेस्सीले सबैभन्दा बढी ६ पटक जितेका छन् ।यस्तै रोनाल्डोले ५ पटक यो अवार्ड जितेका छन् ।
यो अवार्डको ६४ वर्षे इतिहासमा पहिलोपटक कुनै पनि खेलाडीलाई अवार्ड प्रदान गरिने छैन ।
