पशुपति मन्दिरको मुल ढोका बन्द, बाहिरैबाट पूजा गर्दै फर्किए भक्तजन (फोटोफिचर)

- नागरिक टाइम्स/संवाददाता

५ श्रावण २०७७, सोमबार ००:००

कोभिड– १९ को सङक्रमण नियन्त्रण तथा रोकथामका लागि सरकारले लागू गरेको बन्दाबन्दी जारी रहेकोले पशुपतिनाथ मन्दिरमान पूजा गर्न मन्दिरको ढोका भने खुलेको छैन । बन्दाबन्दी जारी रहेकाले मन्दिरको ढोका बन्द रहेको हो। तर पशुपतिनाथको मन्दिर आगामी सोमबारबाट भने खुल्ने भएको छ ।

मन्दिर खुलेसँगै सर्वसाधारणले पूजा गर्न पाउनेछन् । सरकारले निर्णय गरेको अवस्थामा दर्शनार्थीका लागि मन्दिर खुला गर्ने सम्पूर्ण तयारी पूरा भएको पशुपति क्षेत्र विकास कोषका सदस्य सचिव डाक्टर प्रदीप ढकालले बताए। ।

साउनको सोमबार पशुपतिनाथ मन्दिरमा भक्तजनको भीड लाग्ने गरेको थियो । तर, यो पटक लकडाउनका कारण व्रतालुले आज पशुपतिनाथ गएर पूजा गर्न पाएनन् । गत आइतबार संस्कृति, पर्यटन तथा नागरिक उड्डयनमन्त्री योगेश भट्टराईले मन्दिर खुला गर्ने तयारी थाल्न कोषलाई निर्देशन दिनुभएको थियो ।

स्वास्थ्य सुरक्षा प्रोटोकल बनाएर पूजा गर्ने व्यवस्थाको तयारी गर्न ढकालले निर्देशन दिएको थियो । कोरोना संक्रमणको जोखिमका कारण चैत १० गतेबाट मन्दिरमा पूजा गर्न प्रतिबन्ध लगाइएको थियो । यसैबीच मन्दिर नखुलेपछि सर्वसाधारणले मन्दिरको मुल ढोकामै पूजा गरेका छन् ।