थप १ सय ५६ जनामा कोरोना संक्रमण, ५८ जना डिस्चार्ज
काठमाण्डौं : नेपालमा आज १ सय ५६ जना कोरोना संक्रमित थपिएका छन् ।
देशभरका २७ वटा प्रयोगशालामा भएका परीक्षणमा ती संक्रमितहरु थपिएको स्वास्थ्य मन्त्रालयका प्रवक्ता डा. जागेश्वर गौतमले जानकारी दिए । यो सगैँ देशभर संक्रमितको संख्या १७ हजार ६ सय ५८ पुगेको छ ।
संक्रमितको दर हिजो भने केही मात्रामा कमी आएको थियो । आइतबार कोरोना संक्रमण निको भएर ५८ जना डिस्चार्ज भएका छन् । हालसम्म ११ हजार ६९५ जना डिस्चार्ज भएका छन् ।
