मौद्रिक नीतिप्रति सन्तुष्ट यातयात व्यवसायी : भोलिदेखि सार्वजनिक यातायात चलाउने
काठमाडौं : मौद्रिक नीतिप्रति सन्तुष्ट भएका व्यवसायीहरुले सोमबारदेखि सार्वजनिक यातायात सञ्चालन गर्न तयार भएका छन् ।
आइतबार यातायात व्यवस्था विभागमा भएको छलफलमा व्यवसायीले भोलिबाट यातायात सञ्चालन गर्ने बताएका हुन् । सरकारले असार २६ गते नै छोटो दुरीको सवारी चलाउन दिने निर्णय गरेपनि व्यवसायी मानेका थिएनन् ।
तर मौद्रिक नीतिले उनीहरुको अधिकांश माग सम्बोधन गरेपछि यातायात व्यवसायीहरु स्वास्थ्य सुरक्षालाई पनि ध्यानमा राख्दै गाडी चलाउन सहमत भएका हुन् ।
