राष्ट्र सेवामा रामकुमार महतो : पियनदेखि सहसचिवसम्मको यात्रा
लोकसेवा आयोग मार्फत पियनबाट राष्ट्र सेवा सुरु गरेका रामकुमार मेहता सहसचिव बन्न सफल भएका छन् । समाजिक संजालमा उनको यतिबेला निकै चर्चा परिचर्चा भइरहेको छ ।
सहसचिवको रुपमा चुनिएपछि उनले बिभिन्न फोटोहरु सेयर गर्दै फेकबुकमा यसरी लेखेका छन् :
पियनदेखि सहसचिवसम्मको यात्रा । राष्ट्रसेवाको लागि पद मात्र ठूलो कुरा होईन । निष्ठापूर्वक सेवा र परिश्रम गर्दै गयो भने पद, प्रतिष्ठा र अवसर खोजी रहनु पर्दैन, आफैं आउँदो रहेछ । त्यति बेला मसँग एसएलसीको सर्टिफिकेट मात्र थियो, अहिले ४ वटा बिषयमा मास्टर्स (अर्थशास्त्र, समाजशास्त्र राजनीतिशास्त्र र जनप्रशासन ) र एलएलबी गरी सहसचिव पदमा नियुक्त भएको छु । लोक सेवा आयोगप्रति हार्दिक आभार र उच्च सम्मान प्रकट गर्दछु । पथ प्रदर्शक र सुभेच्छुक सबैप्रति आभारी छु । देशको सेवा गर्ने महत्वपूर्ण जिम्मेवारी प्राप्त भएको छ । निष्ठापूर्वक सेवामा समर्पित हुने नै छु ।
