नेपाली मिडियाबाट जिम्मेवारी सिक्न भारतीय मिडियालाई शेखर कोइरालाको सुझाव
नेपाली कांग्रेस नेता डा. शेखर कोइरालाले मिडियाको जिम्मेवारी के हो भन्ने नेपाली मिडियाबाट भारतले सिक्नुपर्ने बताएका छन् ।
प्रधानमन्त्री केपी शर्मा ओलीको विषयमा भारतीय मिडियाले आपत्तीजनक सामग्री प्रसारण गरिरहेका बेला नेता कोइरालाले यस्तो धारणा राखेका हुन ।
भारतीय मिडियाले दुई देशको सम्बन्धमा आँच आउने सामग्री प्रसारण गरेको डा. कोइरालाको निष्कर्ष छ । ‘केही भारतीय मिडियाले नेपालका प्रधानमन्त्रीको चरित्रहत्या गर्ने र दुई देशको सम्बन्धमा आँच आउने सामग्री प्रसारण गर्नु दुःखद् कुरा हो’ उनले ट्विटरमा लेखेका छन्, ‘मिडियाको जिम्मेवारी उनीहरूले नेपालबाट सिक्नुपर्ने देखिन्छ ।’
भारतीय सञ्चार माध्यमले नेपाल र नेपाली नेतृत्वको विषयमा झुटा र उच्छृंखल सामग्री प्रसारण गरेपछि नेपालले ‘प्रोटेस्ट नोट’ पठाईसकेको छ ।
