जी मिडिया अन्तरगतको जी हिन्दुस्तान र जी बिहारले नेपालीसँग माग्यो माफी
भारतीय टेलिभिजन नेटवर्क जी मिडियाले क्षमायाचना गरेको छ । नेपालका प्रधानमन्त्री केपी शर्मा ओलीबारे बनाएको आपत्तिजनक रिपोर्टलाई लिएर भारतीय उस्ले क्षमायाचना गरेको हो ।
उक्त नेटर्वक अन्तरगतको जी हिन्दुस्तान र जी बिहार-झारखण्डले नेपालीसँग माफी मागेका हुन् । उक्त रिर्पोट यही २ वटा च्यानलमा प्रसारण गरिएको थियो ।
नेपालमा भारतीय न्यूज च्यानलहरु बन्द गरिएलगत्तै जीन्यूजको क्षमायाचना आएको हो । जी बिहार-झारखण्डले भनेको छ, ‘एउटा जिम्मेवार च्यानल भएको नाताले हामी आफ्नो सामग्रीलाई लिएर सदैव सजग रहन्छौं । तर भुलवस केही सामग्रीले कसैको भावनामा ठेस पुगेमा हामी गल्ति स्वीकार पनि गर्छौं । हाम्रो च्यानलबाट ‘ओलीका इश्किया’ शिर्षकमा प्रशारित सामग्रीले नेपालका जनताको भावनामा चोट पुगेकोमा हामी दुख व्यक्त गर्न चाहन्छौंं । हामीलाई नेपाली दर्शकको माया प्राप्त भइरहने विश्वास छ ।’
तर च्यानलले उक्त सामग्री भने अहिले पनि यूट्यूबबाट हटाएको छैन । जी मिडिया अन्तरगत धेरै न्यूज च्यानलहरु रहेका छन् ।
जी न्यूज र विओन क्रमस हिन्दी र अग्रेजी भाषाको राष्ट्रिय च्यानल हुन् भने अन्य रिजनल च्यानलहरु रहेका छन् । जी हिन्दुस्तान भने पछिल्लोपटक रिजनलबाट राष्ट्रिय च्यनलको रुपमा मान्यता पाएका छन ।
हेर्नुस् भिडियो :