खाडी र मलेसियामा समस्या रहेका नेपालीलाई आइएलओले दियो ५ करोडभन्दा धेरै अनुदान
आइएलओले खाडीका देश र मलेसियामा समस्यामा परेका नेपालीलाई सहयोग गर्न एनआरएनएलाई ४ लाख २४ हजार ३१० डलर अनुदान दिने भएको छ ।
नेपाली पाँच करोड १० लाख रुपैयाँ अनुदान दिने भएको छ । आइएलओ र एनआरएनबीच अनुदान कार्यान्वयनसम्बन्धी सम्झौतासमेत भइसकेको छ ।
कोभिड-१९ ले श्रम बजारमा पारेको प्रभाव अध्ययन गर्न र श्रमिकको हितमा अनुदान रकम खर्चिने एनआरएनका अध्यक्ष कुमार पन्तले बताउनुभएको छ ।
उनले सङ्घको पहलमा विदेशमा अप्ठ्यारोमा परेका नेपालीको उद्धार भइरहँदा श्रमिकका लागि अनुदान रकम उपलब्ध हुनुलाई हामीले थप जिम्मेवारी बोधका रूपमा लिएको बताएका छन् ।
आइएलओले विशेषगरी कोभिड-१९ बाट प्रभावित मलेसिया, संयुक्त अरब इमिरेट्स (युएई), कतार र साउदी अरब गरी चार देशका नेपालीको सहयोगार्थ यो आर्थिक सहयोग गरेको जनाएको छ ।
सङ्घले यी देशमा रहेका नेपालीको सहयोगका लागि नेपाली कूटनीतिक नियोगसँग समन्वय गरी कार्यालय स्थापना गरेर आफ्नो कार्य अघि बढाउने तयारीसमेत गरेको छ ।
ती कार्यालयबाट विदेशमा कोरोनाकै कारण काम छाड्न बाध्य पारिएकालाई सुरुमै कानूनी परार्मश दिने पनि सङ्घको तयारी छ ।
आइएलओबाट प्राप्त सहयोग नेपाल फर्किनेका लागिसमेत खर्च गरिने सङ्घले जनाएको छ ।
