शनिवार थप २३२ जनामा संक्रमण पुष्टि, संक्रमितको संख्या १५ हजार ४९१ पुग्यो
नेपालमा शनिवार थप २३२ जनामा कोरोना संक्रमण पुष्टि भएको छ । यो सँगै नेपालमा कोरोना संक्रमितको संख्या १५ हजार ४९१ पुगेको छ ।
साथै, पछिल्लो २४ घण्टामा कोरोना संक्रमणबाट २ जनाको मृत्यु भएको छ । गोरखा र रुपन्देहीका पुरुषको मृत्यु भएको हो । यो सँगै कोरोना संक्रमणबाट मृत्यु हुनेको संख्या ३४ जना पुगेको छ ।
साथै, पछिल्लो २४ घण्टामा २७२ जना डिस्चार्ज भएका छन् । हालसम्म डिस्चार्ज भएर घर फर्कनेको संख्या ६ हजार ४१५ रहेका छन् ।
