राष्ट्रपतीलाई भेटेर प्रधानमन्त्री नेकपा स्थायि कमिटी बैठकमा सहभागी
राष्ट्रपतिलाई भेटेर प्रधानमन्त्री केपी शर्मा ओली बालुवाटार फर्किएका छन् ।
उनी फर्किए लगत्तै सरकारका कामकारबाही, नागरिकता विधेयक, एमसीसी, पार्टी भित्रको असन्तुष्टीका बारेमा छलफल गर्न स्थायी कमिटी बैठक चलिरहेको छ ।
बैठक सुरु हुनुअघि ओली राष्ट्रपतिलाई भेट्न गएकाले बैठकमा ढिलाई भएको थियो । प्रधानमन्त्री तथा पार्टी अध्यक्ष ओली नै बैठक स्थलमा सहभागी नभएपछि ११ बजेका लागि बोलाइएको बैठक बस्न सकेको थिएन ।
अर्का अध्यक्ष पुष्पकमल दाहाल ’प्रचण्ड’ सहित माधव नेपाल, झलनाथ खनाल सहितका नेताहरु भने पहिल्यै बालुवाटार पुगिसकेका थिए ।
बुधबार नेकपाका अध्यक्षद्वय केपी ओली र पुष्पकमल दाहाल प्रचण्डले सम्बोधन गरेर सुरु भएको बैठक शुक्रबार र शनिबार बसिसकेको छ ।
