कुवेत र आबुधाबीबाट ३०१ नेपाली काठमाण्डौ आइपुगे
यतिबेला विदेशमा कोरोनाको कारण समस्यामा परेका नेपालीलाई स्वदेश ल्याउनेक्रम जारीरहेको अवस्थामा आबुधावी र कुवेतबाट ३ सय १ जना नेपाली काडमाण्डौ आइपुगेका छन् ।
यूएईको आबुधाबीबाट हिमालय एअरलाइन्समार्फत १५२ जना नेपाली काठमाण्डौ आइपुगेका हुन् ।यस्तै कुवेतबाट नेपाल एअरलाइन्सले १४९ जना लिएर काठमाण्डौ आइपुगेको छ ।
आज कतारको दोहाबाट पनि हिमालय एअरलाइन्समार्फत नै १५२ जना फर्कने तालिका रहेको छ ।
कतार एअरवेज कतारको दोहा र एअर अरेबिया यूएईको सारजहाबाट नेपाल आउने तालिका रहेको विमानस्थलले जनाएको छ ।
जापानको नारिताबाट नेपाल एअरलाइन्सको चार्टर्ड उडानमार्फत २५४ जना स्वदेश फर्कनेछन् ।
यस्तै आज नेपाली लिन जहाजहरु विभिन्न ठाउँमा जाने तालिका रहेको छ । आज विमानस्थलमा १३ वटा अन्तर्राष्ट्रिय उडान हुनेछन् ।
