नेपालमा कोरोनाबाट थप एक जना ५५ बर्षीय पुरुषको मृत्यु
गण्डकी प्रदेश स्थित स्याङजाका कोरोना सङ्क्रमित ५५ वर्षका पुरुषको उपचारका क्रममा मृत्यु भएको छ ।
पोखरा स्वास्थ्य विज्ञान प्रतिष्ठानमा उपचाररत स्याङजाको आँधीखोला गाउँपालिका सिरुवारीका पुरुषको ज्यान गएको हो ।
असार ८ गते अस्पताल भर्ना भएका ५५ वर्षका पुरुषको गएराति ज्यान गएको प्रतिष्ठानले विज्ञप्ती निकालेर जानकारी दिएको छ ।
ती पुरुषमा कोभिड १९ सङ्क्रमणसँगै सिभियर निमोनिया, मधुमेह रोगको समेत समस्या रहेको प्रतिष्ठानले जनाएको छ ।
यो सहित स्याङजामा कोरोनाबाट ज्यान गुमाउनेको संख्या दुई पुगेको छ । यसअघि वालिङ ३ का ५८ वर्षका कोरोना सङ्क्रमितको पोखरामा उपचारका क्रममा ज्यान गएको थियो ।
पछिल्लो समयमा नेपालमा कोरोना संक्रमण तिब्र फैलिनुका साथै ज्यान गुमाउनेको संख्या पनि बडिरहेको छ । कोरोनाबाट गण्डकी प्रदेशमा मात्रै सङ्क्रमितको संख्या ७ सय ५३ पुगेको छ ।
गएराति ज्यान गुमाएका पुरुषको ज्यान गएकोबारे स्वास्थ्य मन्त्रालयले पुष्टि गरिसकेको छैन ।
